منتديات شموخ طلبة



 
الرئيسيةاليوميةس .و .جبحـثالتسجيلدخول

شاطر | 
 

 قصه واقعيه ( حدثت في بوظبي)

اذهب الى الأسفل 
كاتب الموضوعرسالة
التاجره
عضو برونزي
عضو برونزي
avatar

انثى عدد الرسائل : 638
العمر : 21
الموقع : منتديات شموخ طلبة
العمل/الترفيه : يالسه ع المنتدى
المزاج : وااع>.
نقاط التميز :
0 / 1000 / 100

احترام القوانين :
وضيفتك :
تاريخ التسجيل : 09/02/2009

مُساهمةموضوع: قصه واقعيه ( حدثت في بوظبي)   الأربعاء 01 أبريل 2009, 7:18 pm

[size=12]


..~~السلام عليكــــــــــــم ..~~

يسعدلي صبااحكم ومسااكم ..

.. شحالكم ..؟!!





اليوم الاول:

أريام فتاة وعمرها18 سنه تتكلم بقصتها وتقول،ونحن الحين في إجازة الصيف،متخرجه من ثالث ثانوي،فهالسنه اهلي سافروا أو بالأخص أمي وابوي واخوي،ومابقى حد فالبيت غيري أنا واخوي العود،أنا من النوع الي احب اطلع وااايد وأحب اتمشى روحي،فقررت إني أسير بوظبي على فكره أنا من دبي،كلمت ربيعتي عن الموضوع على أساس إن ربيعتي ويا ربيعها يودوني بوظبي(على كيفي)،بالاول رفضت لكن بعدين وبعد ما طلعت روحي وافقت،كلمت أخوي وقلتله بسير عند بنت عمي ببات لان أهلها بعد كانوا مسافرين.
جهزت عمري وسرت وياهم لين ما وصلنا بوظبي،قلتلهم نزلوني وأنا باخذ تا**ي وبسير أدور على فندق ما رضو: ( ،بعدين هم الي وصلوني الفندق،المهم دخلت الفندق ورحت عشان احجز غرفه،شفت واحد مواطن على الاستقبال!سلمت عليه وقلتله لو سمحت ابا غرفه حق شخص واحد سألني حق كم ليله؟رديت وقلتله تقريباً 3ليالي وطلب مني بطاقه او صوره من الجواز،عطيته بطاقتي الصحيه،وحسيت من شكله ومن نظرة عيونه إن فداخله 100سؤال؟!
سألني انتي روحج يايه؟قلتله:هيه!سألني وين أهلج؟ قلتله ما اظن إن الجواب يهمك؟!
المهم وعطاني مفتاح الغرفه رقم الغرفه<220> الطابق السابع،وكان الوقت تقريباً
11ص،سرت الغرفه وفريت أغراضي وريحت شوي،الساعه 11:45ص نزلت تحت وسرت عشان أدور تا**ي،ركبت التا**ي الخاص بالفندق وقلتله يوصلني بوظبي مول.
(ماعندي وقت)!!
وصلت بوظبي مول وحاسبت التا**ي،سرت أحوط واتمشى أتطمش على المحلات وأستهبل عليهم شوي؟؟!(تعرفون ماشي شغله)!!
دخلت محل ملابس ،عيبني بادي لونه اسود واحمر خذته.
وبعدين سرت ادور على مطعم أو كوفيه عشان اتغدا فيه،لان وصلت الساعه 1:30م،
دورت لين ماحصلت كوفيه،دخلت الكوفيه تصدقون عاد يوم دخلت الكوفيه ماكان فيه حد غير أجانب بس اول ما يلست أمة محمد يلسوا(شباب)
المهم دورت على شي ينفع حق الغدا مالقيت غير سندويش دجاج،وطلبت وياه كابشينو(يامي يامي)،دقايق وربيعتي غايه دقتلي تسأل عني وتتطمأن علي والله وفيها الخير فدييييييييت قلبها وطمنتها وريحت بالها،وانقهرت يوم عرفت اني في بوظبي مول محتره ليش اني روحي وهيه مع ربيعها ما تروم تتمشى روحها ولا تقدر تتمشى معاي ههههههه ^_^
يابو الكابشينو وطبعاً شلت الغشوه عشان اقدر اشرب،كنت مطمنه لأن مافي حد في بوظبي يعرفني،لو شفتوا كيف الشباب يخزون لاعة جبدي منهم : <
المهم كلت وخلصت وطلعت من الكوفيه وياليتني ما طلعت ترقيم ومغازل على كيف كيفكم-_^
خذتلي لفه في المول وبعدين طلعت أدور تا**ي لين ما حصلت وقلتله يوصلني الفندق،
وصلت الفندق الساعه 2:35م،شفت الي اول ما دخلت الفندق كلمته عشان احجز كان يالس وين الاستراحه المهم اول مادخلت كان يطالعني طبعاً انا طنشت وسويت عمري ماشفته،دخلت الغرفه وجربت البادي شو طلع رووووووووووعه،بدلت وسرت اسبح خلصت وعلقت ملابسي وبطلت التلفزيون اتطمش على العالم،حطيت على فيلم ويلست اطالع،خلص الفيلم حسيت بالملل من القعده في الغرفه ومن الملل قمت العب فويهي يعني احط ميك اب خفيف.
صارت الساعه 4:30العصر قلت انزل تحت واتمشى،نزلت وشفت كوفيه وانا اموووووووت على شي اسمه كوفي بس اترددت ايلس والا لأ؟لاني كنت شبعانه!قلت بعدين بنزل وبقعد في الكوفي.رديت الغرفه رن تلفون الغرفه استغربت لأن ماعطيت حد رقم الغرفه المهم رديت طلع واحد سلم ورديت السلام قالي شحالج؟قلت بخير الحمدلله سألته منو انت؟قال:معاج سعود مسؤول الفندق.أريام:خير آمر في شي؟
قال:سلامتج بس بغيت اطلب منج شي ومأباج تفهميني غلط؟أريام:تفضل آمر!
قال:لو مافي ازعاج بغيتج تنزلين الكوفي الي تحت؟!أريام:ليش؟قال:حبيت اكلمج بموضوع!أريام:اسفه اخوي ما أقدر ايلس مع واحد غريب لا اعرفه ولا يعرفني!
قال:انا فاهمنج ومن حقج تقولين هالشي بس صدق بغيتج فموضوع!
أريام:لهدرجه الموضوع مهم؟!قال:هو يمكن يكون مب مهم لج بس بالنسبه لي مهم!
أريام:قول على التلفون لأني ماراح انزل ومااقدر ايلس وياك.قال:صدقيني الموضوع الي ابا اكلمج فيه مب الي يدور فبالج واصرارج هذا يزيدني فضول للقعده معاج. أريام:اسمحلي اخوي ما أقدر يعني ما أقدر!قال:برايج على راحتج بس اذا غيرتي رايج اتصلي على الاستقبال واطلبي مسؤول الفندق وبيحولونج علي!قلت:اوكيه.
قال:اسمحيلي على الازعاج وارجوج إنج ماتفهميني غلط!أريام:مسموح اخوي الله وياك.
تميت افكر وااايد شو يبا مني وشو هالموضوع الي شاغلنه ومهم عنده؟بس هو مايعرفني ولا انا اعرفه؟!كنت محتاره انزل اكلمه والا لأ؟فكرت وفكرت لين مارن التلفون مره ثانيه رديت طلع سعود.
سعود:السلام عليكم.
أريام:وعليكم السلام.
سعود:ها فكرتي؟
أريام:فكرت فشو؟(تعرفون بعد البنات كيف يستهبلن)
سعود:مسرع مانسيتي؟
أريام:هيه عن الموضوع الي تباني فيه؟
سعود:هيه والصراحه الفضول ذابحني وما أقدر اصبر ابا ارمسج!!
أريام:صدقني ما أقدر!
سعود:والله إني ما ابا استغل قعدتج روحج واتحرش فيح بس والله بغيتج فموضوع!!
وحاول وياي لين ما وافقت..
أريام:متى تبانا نتلاقى؟
سعود:اي وقت يناسبج..
أريام:عقب 10 دقايق اوكيه؟
سعود:اوكيه اترياج في الكوفي.
أريام:بس انا ما اعرفك؟!
سعود وهو يضحك:كيف ما تعرفيني وانا الي مسلمنج الغرفه؟؟
أريام:ايوا جي السالفه اوكي نتلاقى تحت باي..
انا كنت متلبسه وجاهزه من قبل بس اتريت لين ما استوى 10 دقايق،نزلت تحت وشفته
قاعد في الكوفي سرت صوبه وسلمت وقعدت..
سعود:ها شو تشربين؟(اونه فيلم مصري)
قلت فقلبي شكلها السالفه مطوله؟؟
أريام:كابشينو..
طلب سعود 2كابشينو(قلااااااااااد)
أريام:شو هالموضوع الي مب قادر تصبر عليه؟!
سعود:ليش جي مستعيله؟
أريام:صح اني وافقت اني اقابلك بس هذا مب معناته اني بسولف فغير هالموضوع!!
سعود:اوكي بدش فالموضوع عشان لا تتضايقين!
أريام:تفضل قول..
سعود:اي واحد بيشوف بنت روحها يايه تقعد بفندق اكيييد بيضربه فضوول يبا يعرف شو سالفتها؟!صح والا انا غلطان؟؟
أريام:صح كمل..(اوني عاد جديه)
سعود:انتي قلتيلي انج من دبي..
أريام:هيه انا من دبي ليش فيها شي؟!


_________________




ترقبوا جديد منتدى شموخ طلبة ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
التاجره
عضو برونزي
عضو برونزي
avatar

انثى عدد الرسائل : 638
العمر : 21
الموقع : منتديات شموخ طلبة
العمل/الترفيه : يالسه ع المنتدى
المزاج : وااع>.
نقاط التميز :
0 / 1000 / 100

احترام القوانين :
وضيفتك :
تاريخ التسجيل : 09/02/2009

مُساهمةموضوع: رد: قصه واقعيه ( حدثت في بوظبي)   الأربعاء 01 أبريل 2009, 7:25 pm

سعود:لا بس لوكنتي من بوظبي كنت بقول انج مضاربه ويا هلج ويتي الفندق لأنها واايد استوت!!بس يوم قلتي انج من دبي استغربت!!سألت عمري شو يايبنها بوظبي ومنو يابها؟؟
أريام:ادري شفت بعيونك كل هذا؟؟
سعود وهو يضحك:ماشاالله عليج تعرفين لغة العين؟!
ابتسمت وقلت خلنا في المهم!!
سعود:حبيت اعرف سالفتج وشو يايبنج بوظبي؟؟اذا ممكن؟؟ترى والله اني احاتيج؟!
أريام:ليش ضايقتبك يوم ييت الفندق؟؟
سعود:افا والله انتي نورتي الفندق!!
قلت فخاطري(بديناااااااا)..
أريام:والمطلوب مني؟؟
سعود:سلامتج بس مثل ما قلتلج ابا اعرف السالفه ولا تتهربين؟؟
أريام:وليش تحاتيني ومهتم فيني لهدرجه؟؟
سعود:اولاَ لانج بنت داري بنت دبي!!
أريام:مافهمت شو يعني بنت دارك؟؟
سعود:لان انا اصلاً من دبي بس صارلنا 5 سنين من حولنا بوظبي لأن امي من بوظبي واخوي كان يداوم في بوظبي فقررنا نسكن فبوظبي!!
أريام:صدق والله؟؟
سعود:ليش؟!جذب عليج؟؟
أريام:لا محشوم..
سعود:شكلج ماتبين تقولين سالفتج؟؟
أريام:الصراحه انا يايه اتمشى وأغير جو لأني احب اظهر روحي هذي كل السالفه؟!
سعود:معـــــقــــــوووووله؟!!
أريام:ليش شو توقعت يعني؟؟
سعود:ماشي بس يعني مول ما تعرفين حد في بوظبي؟؟والا يايه عند حد؟
أريام:لأ ما أعرف حد..
سعود:منو يابج؟
أريام:المهم اني وصلت بالسلامه وخلاص..
سعود:اوكي عن تصفعيني!!
أريام:برايك طولت وياك!!
سعود:الله وياج بس حطي بالج على عمرج؟!
سكت وما قلت شي،رديت الغرفه وسرت يلست في البلكونه وكنت اسمع اف ام من التلفون..اتصلت حق ربيعتي غايه..
أريام:السلام عليكم..
غايه:وعليكم السلام والرحمه شحالج؟
أريام:بخير ونعمه!ها وينج رديتي دبي؟
غايه:هيه من ساعه ونصف تقريباً..شو تسوين؟
أريام:ماشي يالسه اسمع اف ام من الملل..
غايه:مسرع ما مليتي تستاهلين حد قالج تسيرين بوظبي والله انج ***ه؟!
أريام:قصدي من الوناسه مب عارفه شو اسوي..
غايه:ههههه ويا ويهج
أريام:مب جني عطيتج ويه؟!
غايه:اوكي ياالخايسه يالله بااااااي..
أريام:هاها اوكي فديتج يالله باااي..
من الملل قمت اتصل حق كل ربيعاتي،وحده تلفونها مغلق والثانيه مشغول والثالثه عندها خط قلت خلني اطرش مسجات احسن وما خليت حد ما طرشتله مسج: )
بطلت التلفزيون ادور شي حلو اشوفه حصلت فيلم اجنبي يلست اطالع لين ما خلص وكانت الساعه تقريباً 9م،قلت بسير تحت عشان اتعشى..تلبست ونزلت شفت سعود بعده يالس قلت عنبوه ما يخلص دوامه من الصبح لين الحين؟!!المهم بغيت ايلس في المطعم بس حسيت ان شكلي بيكون غلط وان يالسه روحي في المطعم..قلت برد الغرفه وبطلبلي..سرت الغرفه وخذت المينيو حصلت بيتزا وطلبت عقب ربع ساعه يابو البيتزا وتعشيت وخلصت(بالعافيه علي)..وصلت الساعه 10وربع طبعاً انا كنت تعبانه لأني ناشه الصبح من وقت قلت ما دام ماشي شغله ارقد احسن (اصبح على خير)..
اليوم الثاني:
نشيت الساعه 8 الصبح قمت وغسلت ويهي وتنشطت وجيكت على التلفون الي اتصلت فيهم امس يوم رقدت ردو اتصلو
بطلت التلفزيون وسرت اتلبس واتعدل ماشي شغله من صباح الله خير(كيفي)..المهم قلت بنزل تحت عشان اتريق..نزلت وسرت الكوفي ومنو شفت؟؟شفت سعود يالس هذا شكله ماعنده بيت وبايت في الفندق؟؟!!طلبتلي ريوق..شافني سعود وابتسملي ماعطيته سالفه(حليييله)،سرت خذتلي جريده(اوني)وتميت يالسه في الكوفي لين ما صارت الساعه 9ونص..كان في محل في الفندق مال هدايا وخرابيط دخلته عيبني دبدوب حلو بس ما خذته^_-...
سرت الغرفه يلست شوي طرشت مسج حق غايه اسأل عن اخبارها ما ردت اكيييييد راقده!!رن تلفون الغرفه رديت طلع سعود ومنو غيره يتصل؟!
سعود:السلام عليكم شحالج؟
أريام:وعليكم السلام الحمدلله بخير انت شحالك؟
سعود:دامج بخير انا بخير!اسمحيلي على الازعاج بس حبيت اسلم واطمن عليج؟!
أريام:تطمن انا بخير..
سعود:مب ناقصنج شي والا محتايه شي؟؟
أريام:لأ مشكور ماتقصر..
سعود:ابا اقولج شي؟
أريام:قول شو في؟
سعود:بغيت اعرفج على اختي؟!
أريام:تعرفني على اختك!ليييش؟؟
سعود:ماشي بس قلت مادام انتي روحج اكييد تبين حد يسليج؟؟(على كيفه)
أريام:مالا داعي لكل هذا أنا مرتاحه جي!!
سعود:بالع** له داعي ما يستوي بنت روحها تكون في مكان ما تعرف حد فيه يعني بتحسين بالغربه؟!
أريام:يعني غصب تبا تعرفني عليها؟؟
سعود:هيه غصب وبخليها تتصل فيج عقب شوي اوكي؟؟
أريام:اوكي..(يتحرا عمره مسؤول عني)!!
تميت افكر ليش سعود مهتم فيني ويبا يعرفني على اخته؟؟عقب 10 دقايق رن تلفون الغرفه قلت اكيد هاي اخت سعود!!رديت طلعت وحده سلمت وقالت شحالج؟قلت:بخير منو معاي؟قالت:انا لطيفه اخت سعود..
أريام:مرحبابج والله وانا أريام..
تمينا نسولف شوي وعقب قالت:
لطيفه:انا عازمتنج على الغدا؟؟
أريام:مالا داعي تكلفين على عمرج؟!
لطيفه:انتي الحين صرتي ضيفتي وواجب علي اني اعزمج عندي فالبيت شو قلتي؟
أريام:اسمحيلي والله ما اقدر وبعدين استحي اي بيتكم شو بيقولون اهلج عني؟؟
لطيفه:بلاهم هلي بيرحبوبج يالله عاد لا ترديني؟!
أريام:صدقيني ماتهونين علي اردج بس مره ثانيه ان شاالله؟؟
لطيفه:اذا كنتي مستحيه اتين بيتنا بعزمج في المطعم ها شو قلتي؟
أريام:لا تحرجيني اكثر عن جي ما اقدر!
لطيفه:مب عكيفج دقايق بتصل حق سعود وبخبره وبرد عليج اوكي؟
أريام:اوكي بااي..
دقايق وردت اتصلت..
لطيفه:هلا..اخوي وافق بس بشرط واخافج انتي ما توافقين؟؟




اكييييييييد ذبحكم الفضوول تبوون اتعرفوون شو اتسوى صح خخ

عنبوه هااي ريموه مسويه عمرهاا ملكه جمال سيلان اونه الكل يناظرني
بس احسهاا خقااقه اشويه وتمدح عمرهاا واااايد

ترا يقوول المثل مداح عمره يباله رفسه وهااي ريموه يباله رفسه والله خخخخخخ

ونشاءالله تعجبكم القصه

_________________




ترقبوا جديد منتدى شموخ طلبة ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أميـَـرة بكڷمـَ’ـتي
عضو برونزي
عضو برونزي
avatar

انثى عدد الرسائل : 600
الموقع : shomo5-talaba.yoo7.com
العمل/الترفيه : طالِبَةْ فيـ إِحْدَى مَدارِسْ الْدَوْلَهـْ ~
المزاج : مشغوولهـ فحبها ~ والله أحترت بغلاها ~
نقاط التميز :
100 / 100100 / 100

احترام القوانين :
وضيفتك :
تاريخ التسجيل : 14/01/2009

مُساهمةموضوع: رد: قصه واقعيه ( حدثت في بوظبي)   الأربعاء 01 أبريل 2009, 7:38 pm

خخخخخخخخخخخخخخخخخخخخخخخخخخخخخخخخخخ ..
كششخة القصة ..
يسلموو خيتو التاجرة ع الموضوع الطر ..

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
التاجره
عضو برونزي
عضو برونزي
avatar

انثى عدد الرسائل : 638
العمر : 21
الموقع : منتديات شموخ طلبة
العمل/الترفيه : يالسه ع المنتدى
المزاج : وااع>.
نقاط التميز :
0 / 1000 / 100

احترام القوانين :
وضيفتك :
تاريخ التسجيل : 09/02/2009

مُساهمةموضوع: رد: قصه واقعيه ( حدثت في بوظبي)   الخميس 02 أبريل 2009, 1:12 am

يسلموو خيتوو ع المرور الغااوي ..

_________________




ترقبوا جديد منتدى شموخ طلبة ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
faty
عضو ممتاز
عضو ممتاز
avatar

عدد الرسائل : 160
نقاط التميز :
65 / 10065 / 100

تاريخ التسجيل : 13/01/2009

مُساهمةموضوع: رد: قصه واقعيه ( حدثت في بوظبي)   الخميس 02 أبريل 2009, 8:05 pm

تسلمين خيتووووو هع همسه : تعبتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
التاجره
عضو برونزي
عضو برونزي
avatar

انثى عدد الرسائل : 638
العمر : 21
الموقع : منتديات شموخ طلبة
العمل/الترفيه : يالسه ع المنتدى
المزاج : وااع>.
نقاط التميز :
0 / 1000 / 100

احترام القوانين :
وضيفتك :
تاريخ التسجيل : 09/02/2009

مُساهمةموضوع: رد: قصه واقعيه ( حدثت في بوظبي)   الخميس 02 أبريل 2009, 9:26 pm



..~~.. يسلموو خيتوو ع المرور الغااوي .~~

_________________




ترقبوا جديد منتدى شموخ طلبة ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصه واقعيه ( حدثت في بوظبي)
الرجوع الى أعلى الصفحة 
صفحة 1 من اصل 1
 مواضيع مماثلة
-
» طرق تظبيط الفيات 128 والتعديل فيها حصريااااا
» تقرير عن الشيخ شخبوط بن سلطان آل نهيان شقيق الشيخ زايد ( صور نادره )
» حادث فتك في بوظبي
» صور مران الاهلي بظهور نجم النجوم محمد طلعت
» ك / رجب جودة محمد علي فرج

صلاحيات هذا المنتدى:لاتستطيع الرد على المواضيع في هذا المنتدى
منتديات شموخ طلبة :: شموخـ المواهب و الإبداعات :: القصص و الحكايات-
انتقل الى: