جآني يقول لا تنسي من آكون ,,
آنآ حلم كل ( بنت ) بهآلكون ..
يآ بنت آنآ ولـــــــد ( فلآن ) ,,,
ولي جآه بين النآس ومكآن ..
آنتِ من تدخلي آي مجلس ولا مكآن ,,,
قولي بس فلآن ولــــــد ( فلآن ) ..
وآلآ آقولكـ من غير مآ تقولي فلآن ,,
بتسمعي آسمي نغم على كل لسآن ..
وبتقولي يآ بخت هالانسآن ,,
واللة سيد هالـــــــزمآن ..
وبتكوني بس معي سيده هالزمآن ,,
وتشوفي الدلآل كيف والعز والسلطآن ..
تصدقي آنآ كل صيف آقضية بـ " كآن "
شفتيهآ آو شكلكـ مآ رحتيهآ من زمآن ..
بس لآ يهمكـ رآح آخذكـ معي ولكل مكآن
وتشوفي كيف عآيشه النآس بجنآن ,,
و " قطعت عليه حكيه وآحلآم مالهآ بقلبي مكآن "
قلت هونكـ هونكـ علي يآ فلآن .. بآين عليكـ غلطت بالعنوآن ,,
همومي مآ هي صيف بـ " كآن " ..
ولا مآل ولا حتى آكون بنت سلطآن ,,
همومي آكبر من حكيكـ والزمآن .. همومي آكبر منكـ ومن هالزمآن ,,
لكن عندي لكـ سؤآل يآ ولد فلآن ..!!
ولا تظن سؤآلي " كم رصيدكـ بالمليون آو عفوآ بالبليون " ..
آو يآ ترى هالمره بتصيف بآي مكآن بهآالكون ؟؟
سؤآلي بمآ آنكــ سيد هالزمآن
هو يآ ترى العز اللي آنت فيه والسلطآن ..
يشري الفرح ... يمحي الحزن ..!!
يعلمكـ النسيآن ,,
ينسيكـ الحرمآن ..!
آو يجردكــ من مشآعر كآنسآن ,, وينسيكـ كل مآ كآن ..!
بيخلي الفرح لكـ عنوآن ..
يحسسكـ بالامآن ,,
يمحي من حيآتكــ هموم وآحزآن ,,
ويطفي جوآ قلبكــ نآر وبركآن ,,
آبسآلـــــــــــكـ ..!
هو يرجع اللي مآت وآندفن ,,
ويقصر ليل الحزن ..!
هو مآ يخليكــ تفآرق آهل وآحبآب وخلآن ..!!
هو يوقف سآعآت العمر والزمن ..
يخليكــ ترحل بلى ذكرى ووجه حزين !
ومآ يآخذكــ لدرب الوله والشوق والحنين ..
آو يآ ترى يرجع آيآم عمركـ والسنين ,,
وتلقى آحبآبكــ بشوق لكــ منتظرين ..
آبسآلكــ هو حقيقي آنت لو رحت كل ديره وكل مكآن ,,
ولو درت الكون مليون ..
بتنسى همكـــــ والاحزآن ..!!!
آو تجردكــ من مشآعر كآنسآن ..!
جوآبني ليه تطآلعني هاللون .
تبي آسكت مآ آكمل ولا يهمكــ ولا تهون ..
لكن آسمع لي آقول تبقى غلطآن ,,
وصدقني غلطت بالعنوآن ,,
همومي مآ هي صيف بــ " كآن " ولا مآل ولا آكون بنت سلطآن
همومي آكبر منكــ ومن هالزمآن ,,
آنآ كآن حلمي قلب ( شآعر ) وفنآن يملي حيآتي حب وحنآن ..
يجيني دوم بشوق ولهآن يعوضني عن آيآم الشقى والحرمآن ,,
وينسيني همومي والاحزآن ,, يحسسني معة بالآمآن ,,
ويكون لي جنه وروضه وبستآن فيهآ آحلى الالوآن ..
بس خسآره الزمن مالة آمآن ,,
مثل حلمي ولقيت الكل خوآن ,,
حلمي مآ هو بهآلزمآن
مآت الشآعر ومآت الفنآن ..
وصآر الزمن
آنآ فـــــلآن وآنآ ولد فــــلآن ,,
عزآي يآ حلم يآ حب يآ حنآن ..
لكن قبل مآ آرحل بقولكــ ليه سآلتكــ هالسؤآل .
يمكن يآخذكــ الفضول
رآح آريحكــ وآقول
لآن يآ سيدي اللي تفتخر فيه مآ يعني لي ولا عنوآن ..
وآنآ لي قلب آنجرح من كل آنسآن
وآنآ الحزن صآر لي عنوآن ,,
وآنآ الفرح ماله بقلبي مكآن ,
مقبره فيهآ ملايين ..
آنآ عنوآن لكل آنسآن حزين ....
آنآ قلب نصبت فيه خيآم للبآئسين ,,
يآ سيدي آنآ رآوية مو في عالمكــ ولا عآلم كآن يآ مكآن ..
آنآ رآوية بعالم القهر والحرمآن
عالم الخوآن ,,
عالم الخذلان ,,
عالم النسيآن ,,
وقلت الودآع حآن ...
والدرب قدآمي طويل ,,
والتفت التفـــــــــت
وبعد مآ مشيت خطوتين ..
نآدآني قآل لحظة قبل مآ تمشين ..
عندي سؤآل لازم آسآلكــ الحين ..
قبل مآ تمسكين الدرب وتبعدين ,,
ومدري آلقآكــ آو مآ آلقآكــ بعد سنين ,,
قلت :آسآل آنا وآقفة يمكـــ الحين ..
قآل آنتِ بنت مين ...؟!
طالعت السمآ فوق والليلة كآنت قمرآ
وغصب عني سآلت الدمعـــــة
هي دمعة قهر ,,
آو دمعة حزن ,,
آو دمعة فخر !!
نعم نعم فخر ..
قلت له بعآلي الصوت ..
وآقولهآ بكل صوت وبكل فخر ..
آنآ مو بنت آمير ولا تآجر ولا وزير
آنآ بنت ( فقير ) ..
آبوي رجل فقير ,,
عآش فقير ,,
ومآت فقير ,,
وآفتخر آنه آبوي فقير ...
آهو مثل البحر بس مو بجآهه وكبر منصبة بقوته بعزته بقلبه الكبير ...
آهو مثل النهر جآرف مو بمآلة وفلوسة بحنآنة وحبة اللي دوم بدمي يجري..
آهو مثل الشجر مآت وهو وآقف رجله مآ وطت درب الخيآنة ولا العآر ...
آهو مثل القمر مو بغروره وبمكآنة اللي فوق كل البشر ..
بنوره اللي ينورليل القهر ,,
آنت تشوفه مرة في الشهر
بس آنآ آشوفة كل يوم وكل شهر وكل الدهر
بعيوني عآيش بقلبي عآيش بروحي عآيش
مآ يموت لو يموت كل البشر وكل الشجر
ويجف النهر والبحر ,,
آقولهآ بكل فخر
بنت فقير
وآنآ بعدهآ صرت عآبرة سبيل ...
الأربعاء 01 أبريل 2009, 7:57 pm
